Diabierna, 5 di April,2019, Selene Olivar di 29 a a wordo traslada pa KIA
Apesar di tur e rumornan cu tabata circulando e prome dia di su detencion, cu pronto elo ta den libertad of cu ela sali liber, NO tabata cuadra cu e realidad, detencion di Selene Olivar tabata husto y corecto haci pa autoridad, probablemente polis tabata tin suficiente prueba pa a detene Selene y cu awo elo keda cera na KIA.
E muhe Venezolano, Selene Olivar, cu dia 27 di maart ultimo a keda deteni, como e sospechoso prinicipal den e caso di Hit and Run na Tanki Flip dia 3 di maart ultimo a ta sigui deteni y a awo ta na KIA.
E muhe aki ta e persona cu tabata tras di stuur di e Nissan Tiida, cu dia 3 di maart despues di Parada di Carnaval grandi tabata bayendo direccion Noord na momento cu señora Ana Quandus di 82 aña a bay crusa caminda pa busca pida yerba di hole na un bisiña y a wordo alcansa. Selene no a ni baha su velocidad pa mira ken of kiko ela caba di dal pero a sigui core sin consenshi.
E impacto a laga Ana Quandus seriamente herida atras y a fayece dia 15 di maart, a consecuencia di e golpinan fuerte cu ela ricibi den e accidente aki.
E siman aki tabata tin un reconstruccion di e caso aki na Tanki Flip, na e sitio unda ela hit and run, Selene mes no tabata presente durante e reconstruccion di e caso.