Oranjestad – Inscripshon pa e di 5 edishon di e evento ciclistico di mountainbike ‘12 Hours of
Aruba’ ta habri. E magno evento lo bay tuma lugar diasabra 13 di april y lo tin dos elemento
nobo y un otro meta. Ciclistanan cu ta participa na e evento di relevo aki – incluyendo
muchanan cu pa promer biaha por participa – tambe lo ta contribuyendo na e campanja Road
Safety & Sharing cu e tema ‘Safe Life, watch where you drive’.
FX Sports bike team ta organisando e ‘12 Hours of Aruba’ desde 2015. Durante e ultimo 4 eventonan
(2015, 2016, 2017 y 2018) por a core unicamente na e ‘12 Hours of Aruba’. Riba petishon di hopi
coredornan, e decishon a wordo tuma pa e anja aki cu bin cu edishon mas cortico pues ‘6 Hours of
Aruba’. E sitio y distancia cu lo mester wordo cori ta keda mescos: ta trata aki di un ruta/distancia di
aproximadamente 4km di becindario di kapel di Alto Vista.
NO CORE MARDRUGA
Nobo e anja aki ta cu e participantenan lo no bai core den oranan di marduga. E ‘12 Hours of Aruba’
lo cuminsa diasabra pa 12:00 pm (12:00 merdia). E careda di ‘6 Hours of Aruba’ lo cuminsa pa 06:00
pm (06:00 di atardi). Ambos evento (12H & 6H) lo termina pa mey anochi, y organisadornan conta riba
un Dobbel Sprint Finish entre e ekiponan cu ta retando otro.
Organisador Edwin Hekman: “Durante e eventonan di anjanan anterior, e competencia mes tawata
entre 6 pm di diasabra atardi te cu 6 am di diadomingo mainta di e siguiente dia. Esaki a trece cune
un bon competencia na final pa e ekiponan. Pero pa loke ta e orario di marduga pa mainta, esaki ta
atrae poco publico.” Organisadornan a tuma nota di presencia di un bon publico durante oranan di
anochi, pero ya den oranan di marduga esaki a a bira menos. “Cu e actual cambio di cuminsa durante
dia y caba mey anochi, nos ta spera cu esaki lo atrae un publico mucho mas grandi caminda lo por
sera e evento aki un den un forma festivo”, segun Hekman.
‘KIDS 12 HOURS OF ARUBA’
Hubada Cycling Team, colaborando cu 12 Hours of Aruba, a tuma na nan encargo e anja aki pa
organisa un ‘Kids 12 Hours of Aruba’. Esaki ta un careda pa muchanan cuminsando for di 11 anja.
(naci na 2008). Nan lo core un ruta mas cortico y mas facil di 1 kilometer den e mesun becindario di
kapel. Nan lo hanja 3 ora pa core mas tanto buelta posibel den ekipo. E evento aki lo cuminsa
diasabra pa 07:30 am. Coredornan entre 11 y 12 anja ta wordo permiti pa core unicamente den ekipo
di 4 coredor. Coredornan entre 13 y 14 anja si ta wordo permiti pa core den ekipo di 2 of 4 coredor.
Team manager: Edwin Hekman (cell 592-2506) / Public Relations: Mirte de Rozario (cell 741-9595)
[email protected] Facebook/Instagram: 12 Hours of Aruba www.12hoursofAruba.com