Na 2017 nos di partido POR y sigur nos minister actual esta sr. Andin Bikker a manifesta diferente puntonan di preocupashon cu lo mester wordo atendi den un gobernashon cu POR lo forma parti di dje.
Den e plan Vision 2017-2021 tin poni cu lo duna atenshon na e problematica di illegalidad aki na Aruba. Sigur un problematica cu conoce hopi reto, pero si nos por wak cu entre otro Guarda Nos Costa ta hopi activo pa asina por captura esnan cu ta hasi nan mes culpabel na illegalidad aki na Aruba.
LTU a conoce cambionan unda cu riba tereno di control, tin ampliacion di bevoegheden, polis y inmigratieambtenaar a haya mas autoridad. Y tambe autoridad cu nan tabata tin como ‘toezichthouder’ a wordo amplia den ley. Y ta bay haci mas uzo di tecnologia y enbes di wanta un hende den vreemdelingenbewaring, awo ta bay haci aspecto tecnologico cu e no ta bou di bewaring, pero si e ta ‘onder toezicht’.
Y un punto cu tawata un discushon pa hopi tempo, ta trece bek un helicopter pa asina reforsa nos Cuerpo Policial y tambe control di nos costanan. Den e luna aki nos por wak e deseo aki bira realidad na momento cu e helicopter a jega Aruba cla pa drenta den function inmediatamente. Y sigur e la conoce su frutanan di biaha na momento cu e la asisti KPA den un persecushon unda cu por a pone man riba e persona cu a comete un acto castigabel. Asina aki por juda combati Atraco,Joyriding, droga y dimes entradanan ilegal via nos costanan. Pa polis,Douane, Warda Costa y KIA engenaral tambe dimes e helicopter ta un bon y gran ayudo.
Awendia nos por wak cu nos pueblo ta drumi mas trankil y sa cu tin un vigilancia den nos shelo.