Home International Muhe ta pidi homber pa pordone y pa e no muri, despues...

Muhe ta pidi homber pa pordone y pa e no muri, despues cu ela caba di hinka e homber

Un muhe ta hinka su pareha den su stoma despues di un discussion y ora ela realisa cu su pareha ta herida, ela core pidi ayudo pa asina salva su pareha.

Estado Guerrero, Mexico: Diadomingo durante oranan di dia, den un hotel den e cuidad di Iguala, na e estado Guerrero na Mexico, un pareha tabata den camber y nan tabata discutiendo pa motibonan desconoci

E empleadonan di e hotel tabata scuchando e pareha ta grita y ta pleitando, pero ora nan a mira e homber sali for di e camber cu un herida na su barica cu tabata sangrando profusamente y a nota cu e homber ta hinka cu un arma blanco, mesora a bati alarma.

Ora e muhe a realisa kiko ela caba di haci y tabata mira su pareha herida, ela cuminsa bise cu e ta stime y a cuminsa brase y pidie pordon. Despues di algun minuut e homber su situacion a cuminsa bira mas serio y ela cay riba vloer wardando riba ambulance.

E muhe di 23 aña di edad tabata bisa su pareha: ” Mi amor perdoname, no te mueras por favor”. E actuacion aki di e dama a keda filma y a wordo poni riba e rednan social.

E empleadonan di e hotel a acusa e muhe di ta e agresora, ela keda deteni y ta den man di ministerio publico di e estado di Guerrero

E homber (29 aña) a keda interna na hospital y a wordo opera, caminda e ta recuperando di e atak’e di su pareha.

Tur parti di mundo tin hopi caso relaciona cu violencia domestico/ violencia di pareha, na e estado di Guerrero durante 2018 nan a ricibi como 1500 yamada relaciona cu casonan di violencia di pareha.