Sero Alejandro: Diasabra algo prome cu 6’or di atardi ta sosode un accidente, e ocupante a keda pega den e auto mientras, e chauffeur kende tabata bou influencia a baha for di auto pero tambe tabata levemente herida. Mesora a manda polis, ambulance y materialwagen di brandweer na e sitio
Na yegada polis a topa cu e chauffeur sinta pafo di e auto, mesora nan a ripara cu e chauffeur y e ocupante tabata bou influencia di alcohol y a bin compronde cu e pickup Nissan Double cabina cu e dos hombernan aki den dje tabata coriendo den Sero Alejandro y pa un of otro motibo a bay dal contra un cura di cas, ora e habitantenan di e cas a sali pa mira kiko a pasa, e chauffeur a reverse e auto y kier a bandona e sitio, pero no a yega mucho leu, den un bocht cerca di e cas, e chauffeur aki a perde control y a dal cu su pickup contra un palo di lus.
Door di e impacto fuerte e pasahero sinta den e pickup a keda pega bou di e dashboard y a tabata herida.
E chauffeur si a logra sali for di e auto y tabata levemente herida. Materialwagen di brandweer mester a bay na e sitio pa asina corta e auto y saca e pasahero. Ambulance a transporta e pasahero pa hospital
Polis a detene e chauffeur y a transport’e pa warda di polis, mientras a pidi pa presencia di Elmar pa controla e palo di lus. E gasto di e palo di lus y di e cura di cas ta core pa cuenta di e chauffeur.