Palm Beach – Diaranson anochi un dama na stuur di su auto a constata un auto su tras.
No ta nada straño si ariba caminda tin un auto bo ta tras.
Pero, ta bira sospechoso ora cu 1 auto ta keda core bo tras tur caminda cu bo bay. Esaki a pone cu e dama a avisa polis.
Mesora patruyanan a bay unda e auto di e dama tawata bayendo y manera e dama a mira polis ela dunanan e señal.
Patruya mesora a intercepta e vehiculo patras di esun di e dama. E auto tawata un Nissan Almera stationwagon.
Esaki a pasa altura di Highrise Hotel. Dilanti RIU polis ta para e auto.
Strandpolitie a cuminsa atende cu e chauffeur, cu no tawata tin rijbewijs y a saca un I.D fake dunanan.
Agentenan di Strandpolitie a bay over na detene e homber aki, cu tawata actua basta sospechoso. Nan a sali direccion post di Strand Politie cune.
Door di preguntanan haci, e detencion a coy un otro rumbo.
Polis a notifica Atraco Team, debi cu segun loke nan mes posiblemente a logra saca afo ta cu e homber aki sea ya a yega di comete atraco, of ta planea pa bay comete un.
Pues e loke a dama a haci di bati alarma tawata tin su fruta, paso kizas e dama tawata su target.
A pidi pa BFTO(departamento tecnico di polis) pa bin unda e auto ta pa tuma algun fotos y vingerprints.
Durante cu a rista den e auto a bin haya un handboei, esaki tambe a wordo confisca.
Despues di a keda cune basta largo na oficina di Strand Polite ela wordo busca pa transportwagen cu a hibe warda di Shaba, unda durante dia interogacionnan lo cuminsa.