67
Paradera – Diamars algo prome cu 6’or di atardi, algun habitante di Paradera ta bati alarma y ta pidi pa presencia di polis cu hopi urgencia
E motibo tabata, cu un homber di edad tras di stuur di un taxi, Mitsubishi blanco a dal contra un Mercedes-Benz y despues bolbe bira bin dal contra e Mercedes Benz.
Elo a dal un y mas biaha contra e Mercedes Benz, despues su auto no por a move mas debi na e slanan cu ela haya banda di e wiel y asina e no por a sigui bin dal contra e Mercedes Benz mas.
Na prome instante a wordo bisa cu un taxista di edad cu tabata bou influencia di un of otro substancia a keda dal varios biaha contra un Mercedes Benz Blanco, cu no bon intencion. Pero e no a keda na esaki so, e tin un rabo mas largo su tras, ta trata di un problema bieu di famia. Unda ela dal contra e Mercedes Benz ta net unda su sobrina ta bibando. E sobrina y e parti di famia aki tin un problema grandi cu otro y pa basta tempo caba.
E sobrina a construi su cas na Paradera y pa basta tempo e omo aki no tabata sa paradero di su sobrina.
Segun e sobrina algun dia atras pa su sorpresa ela mira e omo aki ta circula den su caya na Paradera, mesora ela sospecha cu lo ta bay bin problema y a avisa su bisiñanan, pa nan ta na altura y pa tin bista ora e Taxi aki pasa den su caya.
E chauffeur di e Mercedes Benz tabata at the wrong place and wrong time. E cu no tin nada di haber cu e sobrina, of cu e omo y mucho menos cu e problema di e famia a bira victima di un intento di asesinato, pa motibo cu e Taxista tabata keda bay bin y cu velocidad halto tabata dal contra su Mercedes Benz.
E chauffeur di e Mercedes Benz inocentemente tabata ariba e caminda di tera bayendo direccion pariba, na momento cu e taxi maneha pa e omo bou influencia aki a bin cu velocidad halto y dal contra e Mercedes Benz.
E prome biaha tabata net na e banda di e chauffeur. Despues ela bolbe bin y lo dale mas biaha, e ultimo biaha ela trata pero e no a logra debi cu e tire di e taxi a pega contra e body y no por a bay dilanti mas.
Mesora algun hende a wanta e omo pa asina polis por yega y detene.
Polis a yega basta liher na e sitio y mesora a detene e taxista.
Por a nota claramente cu e taxista tabata bou influencia di algo basta fuerte, debi cu e no por a para keto cu su cabes.
Por conclui di locual a wordo menciona na e sitio, ta cu e omo bou influencia lo a bin pa e sobrina, probablemente pa hacie un daño, pero menos mal cu e sobrina no tabata riba caya, si no Dios sa kiko e omo aki lo por tabata capas di a haci su sobrina. Den pasado segun version di e sobrina nan tabata tin basta problema cune, e ta problema di famia, kiko exactamente no ta conoci.
Agentenan na e sitio a pone recherche na altura y tambe departamento tecnico di polis. Ambos a presenta pa asina haci nan investigacion.
Pa loke ta e omo ela wordo transporta pa warda di Shaba, caminda lo tin un cargo basta pisa den su contra.