Ta urgi pa mas crecemento pa por baha e debe mas liher
ORANJESTAD – Ayeranochi Minister Ruiz-Maduro a atende e charla di Sr. Raymond Gradus, Presidente di CAFT, cual a wordo organisa pa Universidad di Aruba. E presentacion a duna un bista riba e situacion financiero di Aruba den cual a para keto na e crecemento di debe den e ultimo añanan. A duna un bista di deficitnan presupuestario y a splica en breve e contenido di e protocol firma entre Aruba y Hulanda pa por yega na un finanzas publico sostenibel.
Duante e charla a ser treci dilanti cu Gobierno di Aruba a traha un Memorandum Financiero Economico (FEM) cu ta prescirbi kico lo haci den e proximo añanan pa reduci deficit y debe. Presidente di CAFT Sr. Gradus a expresa su elogio pa e prudencia di Gobierno pa sali for di un crecemento economico modera, pero a indica cu esfuerso mester wordo haci pa logra un crecemento mas grandi pa asina por yega na baha e debe mas liher. Na final Sr. Gradus a corda tur presente cu ta pais Aruba mes tin e responsabilidad den su man pa haci e esfuerso necesario pa yega na un finanzas sostenibel.
FINAL
20190215