67
Wariruri – Diabierna den careda di 11’or di mainta, polis a wordo pidi pa bay poco mas pabou di Bushiribana, esta na altura di Wariruri. Prome informe tawata cu un persona a cay for di cabay.
Yegando na e sitio, un otro informacion ta drenta, cu ta e cabay a cay ariba e persona, poniendo cu polis mester a bay cu hopi mas urgencia. Na yegada di polis nan a bin compronde cu esey no tawata e caso, enberdad ta topa cu un dama kehando di basta dolor na su pia.
E dama turista lo tawata riba un Horse Back Riding Tour y na dado momento segun nos a compronde un di e patanan di e bestia a nenga.
Esaki a causa cu e dama lo a cay for di e cabay, posiblemente doblando su enkel.
Ambulance a presenta, personal di ambulance a yuda e dama subi ariba e cama pa asina wordo transporta pa hospital.
Un Van di e compania a bin busca e otro personanan y hibanan bek na e Rancho di unda e Tour a inicia.