Tanki Leendert – Diasabra atardi pa mas o menos 5:25 p.m polis y tambe ambulance ta bay e veld di Tanki Leendert, esun cerca di Matadera.
Prome informacion a bisa cu un mucha a cay di halto, o sea for di tribune.
Na yegada di patruya di Noord nan ta constata cu esey no tawata e caso.
Loke a sosode ta cu un mucha homber di 9 aña di edad tawata hungando, y lo a bay dal su cabes contra e tubo cu ta separa e veld y e tribune.
Pa falta di mantecion e wayanan no tey mas na e tubo, y como adulto bo ta sak y pasa abou. Como mucha si e ta hopi cortico no ta problema, pa mala suerte e hobencito aki ta net e haltura y no a mira e tubo.
Door di e golpi ela haya un kap serio ariba su wowo drechi cu a sangra basta.
Su tata tawata tin e drumi ariba su scochi, wardando ambulance.
Na yegada di ambulance Paramediconan mesora a pone ariba e stretcher y despues di un rato a sali cune direccion Hospital.
Nos ta desea e hobencito un pronto recuperacion.