Caya Ing. Roland H. Laclè – Diamars anochi algo prome cu 10’or polis a bay na un Restaurant situa den Caya Ing.Roland H. Laclé pa un homber cu lo kier hinca hende.
Na yegada di polis nan a topa cu e homber pafo di e luga, e tawata den compania di su pareha.
Segun informacion, e homber aki tawata bou influencia despues of durante cu e tawata come, e kier a papia cu e Chef. Mirando su estado esnan den e luga tawata posiblemente ignore.
Ela keda y tawata bira cada biaha mas fastioso, cu e kier papia cu e Chef tocante su cuminda cu segun su persona no lo tawata bon. Cos a sigui bay for di man y ela bisa cuenta cu elo usa e cuchiu pa hinke.
Ora polis a confronte cu loke ela bisa y of haci, ela bira bisa cu ta un Joke e tawata.
Y cu ta manera nos trece dilanti caba ta reclama e kier a reclama e chef. E no tawata tin cuchiu den su poder, pero si algo tawata di pasa ta e steak knife lo por a wordo usa.
Polisnan mirando cu e homber hoben aki ta bastante bebi a bise pa e bay di eynan. Su chick tambe tawata trata di papia na tur manera cune, pero sin resultado.
Despues di algun minuut tata di e hoben a yega y a ela subi den auto pa nan bay di e sitio.
Algun minuut despues e tata bolbe cu e yiu, paso segun e yiu e tin mas cos di bisa e polisnan.
Akinan ela keda bira mas y mas fastioso, pasenshi di e agentenan a caba y nan a detene e hoben aki.
Transportwagen a ser pidi y na su yegada e hoben super fastioso aki a wordo hiba warda di polis, unda elo a pasa su anochi den cel hunto cu e sanguranan.