Oranjestad – Diasabra anochi tawata tin e prome actividad grandi di Carnaval 65 cu tawata e Fakkel Optocht.
Mirando e massa enorme cu a bay den e Parada y tambe hendenan cu lo bay mira parada, Cuerpo Policial a prepara debidamente pa e Parada aki cu hopi polis uniforma y no uniforma. Un team completo, incluyendo Ambulance y CEA y otronan cu nos por a lubida.
Algun dia prome Ministerio Publico a manda e comunicado di Faya bo Haya, dunando polisnan e ordo di por detene mesora esnan cu lo no cumpli cu e reglanan di Ordo Publico.
Un ehempel ta, bo no a sigui ordo di polis of bo bringa ariba caya kibrando leynan y tambe ordo publico bo lo wordo deteni.
Depende con serio bo cargo ta, bo lo wordo presenta dilanti un Sub Fiscal cu lo dunabo un boet, cu ta varia den prijs.
Si bo page of swipe e mesora bo ta sali bay ora e papelnan caba di wordo procesa, si bo no tin placa cubo bo lo wordo encarcela te despues di e parada.
Te cu 3:36 a.m di diadomingo tawata tin 11 persona deteni, aña pasa e cantidad tawata 24. Esaki ta un indicacion cu hendenan ta compronde e mensahenan di parti autoridad pa nan comporta nan mes, sino bo lo pasa bo carnaval den un cel of ta hayabo ta paga boetnan halto.
Ban spera cu e otronan cu ta bin e cantidad ta mas abou ainda.