Sero Biento – Diabierna anochi algo pasa di 8’or polis y ambulance ta bay un adres na Sero Biento, caminda un persona a wordo tira den pecho.
Por a mira autoridad na dos diferente adres. Un cas na cuminsamento di e caya cu ta core patras di Nice and Easy y un otro cas situa ariba un cero na final di e caya.
Na e cas ariba e cero e persona herida ta, cu ta un persona masculino.
Loke nos por a haya sa ta cu e persona a wordo den su pecho parti drechi. E persona cu a wordo deteni na e sitio a lo a usa un skopet sea di kelki of aire.
Segun informacion e agresor a mik pa cabes di e victima, pero esaki tawata sa di reacciona bastante lihe toch y a sak, caminda e bala e dal e den pecho.
E victima ta stabiel, y lo a bay hospital pa potret wordo saca, di e herida y pa asina localisa e bala cu ta pega un caminda.
E area unda e tiramento a tuma luga a wordo cera pa investigacion cuminsa.
Pa loke ta e agresor ela wordo hiba rapidamente warda di Santa Cruz.