Franse Pas – Diasabra marduga informacion a drenta cerca Polis cu un chauffeur ta siguiendo un auto na Savaneta direccion Playa. Segun e chauffeur e auto su dilanti, algun persona den dje a caba di horta den su auto.
Segun e doño di e auto, ela staciona su vehiculo altura di Latin Passion na San Nicolas. Momento cu e tawata bayendo bek na su auto, ela nota e hendenan aki hortando den su auto.
Elo a gritanan y mesora nan a subi un Toyota Corolla color blauw y cuminsa huy.
Mesora nan a subi e auto y a sigui e Toyota Corolla blauw. Manera nos a bisa caba polis a wordo avisa y nan tambe a cuminsa bay ariba caminda.
Altura di Rotonde Pos Chikito e auto a bay nort, pues direccion Sabana Basora of Franse Pas. Patruya di Santa Cruz a wordo avisa tambe pa asina por intercepta nan ora nan bin nort.
E Toyota Corolla tawata bayendo nort cu un velocidad masha halta mes y coriendo manera un loco. Den un di e bochtnan na Franse Pas ela perde control y bay dal contra un palo di luz.
Aki ta caminda polisnan a baha y mesora a detene tur 3 ocupante, dos homber y un muhe.
Mirando cu e impacto tawata un duro a pidi ambulance pa yega na warda di Santa Cruz pa controlanan.
Despues di e controlnan, e dama a wordo transporta pa hospital pa tratamento.
Pues e trio aki ta pasa horta den oranan di marduga y mira kiko a pasa awor.
Te hasta nan por a mata hende inocente di e manera cu nan tawata core.