Polis a bay Eagle Beach pa turista cu a accidenta cu Wave Runner, y mester a intermedia pa daño haci na e aparato

Eagle Beach – Diadomingo merdia den careda di 3’or polis a bay Eagle Beach, altura di Amsterdam Manor pa un problema na un compania di Watersport.

Na yegada nan a wordo bisa cu dos yiu di un famia turista a rent dos Wave Runner. Y ariba lama pa un of otro motibo un a dal na banda di e otro causando daño.

Ora nan a yega tera eynan e discussion a cuminsa cu segun nan no ta berdad cu nan a dal contra otro. Pero, segun testigo cu si nan a dal contra otro, door cu nan tawata demasiado cerca.

Na final nan a dicidi di paga pa e daño haci. Pues nan kier a scapa di no paga e damage cu nan a comete.