Wolfstraat – Dialuna anochi polisnan a bay cu urgencia den Weststraat, pa un persona cu a wordo hinca.
Na yegada den Weststraat nan no ta haya nada.
Algun minuut despues polis ta wordo avisa cu tin un fout, y cu no ta Weststraat pero Wolfstraat situa den casnan di pueblo na Noord.
Mesora patruya di Noord ta bay e adres y ta topa cu un homber corta.
E victima ta un adicto y a bisa polis cu ta persona yama Flint a corte. Segun su version e agresor lo a usa algo parecido na un sambechi.
E momento e lo no tawata desea asistencia medico of lo no kier a bay hospital. Polis a tuma su datosnan y a bandona e sitio.
Algun rato despues
Doño di un restaurant ta yama polis y ta bisanan cu un homber na sanger a drenta den su luga.
E homber aki lo tawata herida y tambe lo tawata tin un cuchiu cune.
Paden di e luga e homber a lage tur sushi na sanger.
Na yegada di polis a resulta cu ta e mesun adicto di un rato prome.
Polisnan a papia cune y bise pa e bay di e luga y stop di molestia.
Pa nada e no kier a rasona. No a keda polisnan nada otro di detene e homber aki, y ariba dje tur sushi na sanger.