Amsterdam: Diasabra den oranan di mainta, na Hulanda famia di ex Premier Wim Kok ta duna di conoce, cu Wim Kok a fayece den presencia di su señora Rita, su yiunan y nietonan, ela fayece na Amsterdam den un hospital, di un malesa di curason.
Wim Kok a nace dia 29 di September 1938, na Bergambacht y tabata biba na Amsterdam, Wim Kok a studia na Nyenrode Business University y na Universidad di Münster, Alemania.
Despues cu ela caba su estudia e tabata traha cu sindicato hulandes NVV. E tabata hopi activo den e mundo sindical na Hulanda.
Na 1986 Wim Kok, a sigui Joop den Uyl, ela a tuma e liderazgo di e partido politico hulandes PVDA, despues cu Den Uyl a baha como lider.
Den Kabinete Lubbers III ela fungi como Minister di Finansa y Vice Prome Minister.
Paars kabinet I y II, Wim Kok tabata Prome MInister di e Gabinetenan aki forma pa PVDA, VVD y D66.
Wim Kok a retira como politico na aña 2002, despues ela fungi como comisario pa ING y Shell, tambe e tabata activo haciendo algun trabou pa Union Europeo.
Ex Premier di hulanda Wim Kok a fayece na e edad di 80 aña, Arubanative.com ta desea famia di Wim Kok y miembronan di PVDA hopi forsa y cu Wim Kok sosega na paz.