Nos a tuma nota cu Mike Eman ta tumando e curashi despues di casi un aña cu el a haya un derota na unda cu el a haya un disgusto grandi pa e pueblo di Aruba y el a anuncia publicamente su retiro como lider di su partido. Enbes cu Mike Eman a tuma e yamada di su votadornan na serio y bay sinta den Parlamento el a bay sconde y yora den su penthouse.
Despues cu luna pasa, Mike Eman a proclama su mes como lider di su partido atrobe, e ta sali y duna splicacion con el a laga e pais aki. Punto pa punto e ta splica e disaster cu el a laga atras pa e Gobierno actual. Mike Eman ta admiti cu tin crisis. Pero ta ken ta e responsabel di e crisis aki? Den palabranan di MinFec na Mike Eman, “Chepi, ta abo mes ta e culpabel di e crisis di nos pais”.
Mike Eman no por sinta kere cu pueblo ta bay kere cu den apenas un aña, ta e Gobierno actual a causa e debe nacional cu nos tin. Mike Eman y su gabinete a goberna pa loco na unda nan a subi e debe di 49% te na 90%. Awo Mike Eman ta maluzando e rapport di Banco Central.
Pero Eman no ta splica si cu na 2011 Banco Central a adverti cu nan ta mira debe y deficit nunca antes bisto na nos pais. Y awo Mike Eman y oposicion ta sali papia di e mesun debe aki cu nan mes a laga atras y ta benta e culpa riba e gobierno actual. Parce cu Mike Eman tawata e prome para den rij pa haya sinberguensa. Pasobra no tin otro palaba pa e persona aki cu a malogra nos pais y tranca nos economia di e forma aki, un sinberguensa.
Ta p’esey mes Mike Eman no tin niun derecho moral pa papia. Pasobra Mike Eman solamente ta tira culpa di e problema cu e mes a causa riba un gobierno cu solamente ta drechando y trahando pa drecha di nos pais.
No ta solamente Banco Central a adverti Mike Eman di e situacion financiero malo cu el a causa, sino Gradus di CFT tambe a splica bon cla cu e modelo economico cu Mike Eman a uza a faya barbaramente y a perhudica nos pais.
Pueblo mester realisa cu e crisis financiero di nos pais no a cuminsa un aña pasa cu e gobierno actual. E debe y deficit di nos pais ta e resultado di 8 aña di mal gobernacion di e gobierno anterior. Ya prome cu Gabinete Wever-Croes a sinta, tur instituto financiero na Aruba y Internacional a hala na orea di Mike Eman alertando e cu e situacion ta malo. Mike pa ignora e alertanan aki a biaha mundo rond sin logra nada pa nos pais y ora cu el a haya un tiki precion e tawata kier a muri bou di un palo.