Fundacion Ban Educa y Prepara diadomingo awor dia 30 di September ta bai tene su prome proyecto cu ta un awareness riba e tema alcohol y droga cu lo tuma lugar na Centro di Bario Brazil 5 pm – 8 pm. Nos ta invita pueblo henter pa duna nos tur sosten riba e dia aki.
“Ban Uni na e Voz di Recuperacion”
Nos ta bai tin algun ex adicto cu lo bai conta nan testimonio. Ex adictonan cu awe tin 25 anja clean, 24, 17, 10. Tambe nos ta bai tin mesanan di informacion ocupa door di nos Centronan di Rehabilitacion y Instancianan cu ta traha den e veld pa cualkier informacion cu pueblo tin mester di sa con pa hanja judansa sea pa bo mes of un miembro di famia. Awe door di tur e judansanan brinda door di nos profeshonalnan cu ta traha den e veld nos tin masha hopi persona cu a cambia nan bida y ta bek den comunidad, ta traha y ta contrubui cu nos Pais. Famianan a wordu restora bek unda un mama of tata cu un tempo tawata un adicto awe yiunan y famia tin nan bek den e posicion importante pa ta e mama y tata cu e yiunan tin mester. Tambe yiunan cu tambe a kai den adiccion ta bek den cas clean den e posicion di un yiu kla pa sigi riba e bon caminda pa un mihor futuro. Alcohol y droga ta un problema hopi grandi mundialmente y ta un problema grandi riba nos pais. Maske cu hopi a logra sali toch tin hopi mas persona cu ainda ta den e adiccion aki y e grupo ta cresiendo unda nos hobennan tambe ta bezig ta koi e caminda aki cu ta robes y nos tin cu haci nos maximo esfuerso pa juda tur inlcui nos hobennan cu ta e futuro di nos Pais. E preocupacion tambe ta riba nos muchanan chikito cu ora cu nan krese con lo para cu nan. Nan tambe lo bai koi e caminda robes aki? Como speaker nos lo tin tambe representantenan di CAA y FADA cu lo papia riba e topico. Contando tambe riba e presencia di nos Minister di asuntonan Social Glembert Croes, Minister Dangui Oduber cu tin e maneho di adiccion, Minister Rudy Lampe cu tin e cartera di Educacion y tambe Minister Andin Bikker cu ta e Minister di Husticia. Tambe invitando full nos Representantenan di Pueblo den Parlamento cu ta Fraccion di Mep, Fraccion di Por, Fraccion di Red y Fraccion di Avp pa riba e dia aki cu ta asina importante pa ta presente. Union ta haci forsa unda bow di un dak e pueblo, e fundacion y instancianan, iglesianan, nos Ministernan encarga y Parlamentarionan huntu cu e ex adictonan nos por ta di acuerdo riba un cos. Droga y Alcohol ta daninjo na e ser humano y un pueblo perdi ta un perdida no solamente pa nos pais pero tambe un perdida y sufrimento pa un cas di famia.
Danki na nos sponsornan cu ta sostene e proyecto aki Centro di Bario Brazil, Adidas Sport Caribe, Manrique Capriles, Cede Aruba y Paradera Party Center.
ARUBA – “Ban Uni na E Voz di Recuperacion”
30 di September 2018
Centro di Bario Brazil
5 pm – 8 pm
Union ta haci forsa!!!
E luna di recuperacion nacional ta un observancia nacional cu ta selebra tur anja den September pa educa e pueblo cu e tratamiento di e uso di substancia y e servicio mental por permiti cu esnan cu cu salud mental por permiti cu esnan cu un desorden mental of e uso di substancia por biba un bida sano y gratifica.
National Recovery Month
Every September, SAMHSA sponsors Recovery Month to increase awareness and understanding of mental and substance use disorders and celebrate the people who recover.
Every September, SAMHSA sponsors Recovery Month to increase awareness and understanding of mental and substance use disorders and celebrate the people who recover. The annual theme is Join the Voices for Recovery: Invest in Health, Home, Purpose, and Community.