80
Pos Chikito – Diahuebs atardi a sali for di un cas pa anciano na Pos Chikito un Dodge Caravan, den e auto cuatro persona di edad y e chauffeur.
Diabierna marduga pa mainta
E buskeda lo a cuminsa for di oranan di diabierna di mey anochi.
Pues durante oranan di marduga autoridad a cuminsa busca e vehiculo aki, cu a sali for di diahuebs atardi for di e cas pa anciano yama Paraiso de Rosa.
Personanan cu lo por ta sufri di Alzheimer
Ariba Social Media, por a mira comentario di famia di esnan den e Van, cu aparentemente e chauffeur ta un persona cu lo tin problema di curason.
Esnan di edad den e Van, segun nos a compronde lo ta personanan cu tin e enfermedad Alzheimer. No por confirma si ta tur.
Keiro na costa norte of den naturalesa
Manera ta custumber e chauffeur kende ta un pastoor di un iglesia ta busca e hendenan grandi aki pa bay dal un keiro, nan ta gusta keiro banda di costa y tambe den mondi.
Te cu den oranan di mainta, ningun hende sa localidad of kiko por a pasa e grupo di personanan aki.
Buskeda pa e van Dodge Caravan A 12239
Polisnan ta buscando rond y den areanan di costa pa un Dodge Caravan color blanco.
Famia di un di e personanan perdi a duna autorisacion pa arubanative.com publica e informacion aki, pa wak con nos comunidad por yuda busca e 5 personanan aki perdi.
Si bo persona por a mira un van color blanco of color cla Dodge Caravan cu algun hende di edad den dje please tuma contacto di biaha cu polis.
BAN YUDA BUSCA E PERSONANAN AKI, YEGA BEK NAN CAS