Colombia, un pais den Sur America cu ta reconoci pa su excelencia di calidad di oferta medico, variedad di tecnica di tratamento, infrastructura avansa di hospital y e experticio di nan cientificonan medicinal; lo ta presente na Aruba y Corsow riba 22 y 23 augustus ofreciendo conferencianan promoviendo cuido medico.
Avianca y ProColombia a haci posibel pa 6 institucion medico destingui yega Aruba y Corsow cu e objectivo pa informa e comunidad tocante di servicionan dental, fertilidad, control medico ehecutivo, cancer, remplaso di joints (scharnier) y finalmente malesanan Nero-Cardiovascular, atraves di conferencianan rigoroso dirigi pa docternan Colombiano reconoci.
E institutonan participante ta: Clinica Las Americas,The Human Fertility Institute di Colombia (Inser) y Salud sin Fronteras, tur situa den e ciudad di Medellin, e Hospital International di Colombia (Fundacion Cardiovascular Colombiana) na Santander, e fundacion ‘Santa Fe’ di Bogotá y Centro Medico Imbanaco di Valle del Cauca, Cali.
“E industria di servicio pa salud a bin ta creciendo consistentemente y na mes momento Colombia a bira e miho destinacionnan cu ta ofrece calidad halto di profecionalnan, servicio y infrastructura”, asina e presidente di ProColombia Flavia Santoro a bisa.
Segun e raportnan di autoridadnan oficial di emigracion Colombiano, mas o menos 60% di tur pashentnan internacional trata na Colombia ta bin for di Centro America y Caribe, 39% ta bin exclusivamente for di Caribe. Un di e motibonan pa servicionan medico Colombiano y asistencia di salud ta di gran influencia den e paisnan aki, ta danki na e echo cu Colombia ta situa geograficamente hopi serca cu nos por biaha den un vuelo di menos cu dos ora for di Aruba y Corsow.
E echo cu cuater di e institucionan Colombiano ta posiciona den e top 10 di e mihornan den Latino America y diferente hospitalnan na Colombia tin acreditacion medico nacional y internacional, ta haci e pais un destino medico codicia pa pashentnan den Caribe, Merca, Sur y Centro America.
PROCOLOMBIA ta un agencia di gobierno cu ta ofrece oportunidadnan comercial, informacion valioso riba e rekesito y strategianan nesesario pa expande servicio y productonan na un nivel internacional, door di participa den bursnan comercial y asistencia di expertonan pa inversionistanan, exportado y otro profesionalnan.
Pa mas informacion tocante di e institutonan medico di Colombia, tuma contacto cu Glora Restrepo Gutierrez, Advisor di Salud profesional, via di email: [email protected] of yama: +1 (786) 3154 260 Ext. 66107