106
Diasabra ultimo e team di Train Hard Fight Smart di Brazil Taekwondo Stichting a haña un bishita di cortesia di sr. Di-Estefano Wernet kende a presencia e training di e team cu ta preparando pa e di XI Costa Rica Taekwondo Open G1. Lotto pa Deporte a haci posibel pa e team por bay pa asina Aruba ta bon representa na e di XI Costa Rica Taekwondo Open G1. Brazil Taekwondo Stichting su team ta consisti di e siguiente atletanan: Rasheed Lowe kende lo bringa den e categoria di -57 Kilo Cadet. Hakeem Lowe kende lo bring den e categoria di -59 kilo Junior. Záhyon Klabér kende lo bringa den e categoria di -68 Adulto y ta su prome salida den e categoria di adulto. Jourdé Klabér kende lo bringa den e categoria di -63 Adulto y lo fungi como coach tambe.
Sr. Di-Estefano Wernet a desea e team tur exito y ta kere den e team y tin confiansa den e team mirando e resultadonan cu e team ta trece Aruba ora cu nan biaha.