Amsterdam: Recientemente hackersnan a descubri un forma nobo pa horta salarionan di trahadornan, esaki Fraudehelpdesk na Hulanda a duna di conoce, cu ya nan a haya varios melding di esaki.
Segun e vocero di e fraude helpdesk ta trata te awo di menos cu 10 melding, pero segun su persona esaki ta djes e top di e iceberg, paso 90% di e victimanan nunca ta tuma contacto cu nan.
E forma con e ladronann cibernetico ta yega na e salario di nan victimanan ta lo siguiente, nan ta hack mailbox di trabou di nan victimanan, despues nan ta manda via e mailbox aki un email pa e departamento di salaris di e compania unda e victima ta trahando, pidiendo pa maanda desde e luna aki e salario riba un cuenta di banco nobo, pa laga pasa cu e trahador a cambia di banco.
E departamento di Recursonan Humano, dimes ta bay haci loke e supuesto trahador a pidi y asina e salario ta bay riba cuenta di un di e ladronnan cibernetico
Ora e trahador victima di hacking bay puntra unda su salario a keda, nan ta bise cu e ta riba bo cuenta nobo di banco cu bo a manda nos.
Fraude helpdesk ta avisa, tur esunnan cu ta sospecha cu nan email ta gehack, mester cambia mesora nan password.