Kamerlingh Onnesstraat, Oranjestad: Diahuebs den careda di 10’or y mey di mainta, ta sosode un accidente basta serio na e crusada pabou di RCA. Den cual 3 persona a keda herida y un persona a keda seriamente herida. Mesora a manda polis y ambulance na e sitio.
Na yegada nan ta bin compronde cu e Mitsubishi Lancer shinishi tabata biniendo di pabou, e no a duna preferencia na e Honda Civic cu tabata biniendo di panort y a yega subi caminda. E impacto tabata hopi fuerte, cu e autonan a bay para algun meter mas pazuid di e crusada. Segun e chauffeur di e Honda e tabata coriendo mas o menos 80 km pa ora.
E impacto fuerte a laga tres persona herida, e persona cu a keda seriamente herida tabata den e Mitsubishi Lancer. Segun e chauffeur di e Honda Civic e lo tabata biniendo cu un velocidad di mas o menos 80 km pa ora.
Polisnan na e sitio a cera e crusada aki pa trafico, mientras personal di ambulance tabata atendiendo cu e heridonan.
Mirando cu ta trata di un accidente den cual tin un persona seriamente herida, a pidi pa slachtofferhulp asisti e famia na hospital.
Tambe a pidi pa departamente tecnico presenta na e sitio pa haci mas investigacion.