109
Ponton – Diamars mainta 11:15, un agente policial atento ta spot un auto haciendo algo straño.
Esaki tawata altura di rotonde Ponton.
Di leu ela sigui observa e moveshonnan straño. A resulta cu na banda di caminda tawata tin un persona para.
E auto aki a bay y a bira bin bek, para y e persona a subi.
E agente e momento ey tawata sa cu lo ta tratando di un taxista pirata.
Mes ora ela sigui e auto, cu tawata un Hyundai Getz color preto.
Altura di un negoshi cu ta trata cu pool ela para e auto.
Y berdad tawata trata di e un taxista pirata.
Mes ora ela kita e auto di e homber, y segun nos a compronde elo mester a sigui na pia hunto cu su pasahero. Ariba e auto e agente a ripara cu tawata tin dos diferente plachi number, dilanti un number y patras un otro number.
Segun polis e caso aki ta e di cinco taxi pirata cu polis ta logra gara, den 2 siman di tempo.
Tin dos taxista pirata cu lo tin di presenta den corte, esaki relaciona cu nan practicanan ilegal.
Takelwagen a presenta y a hiba e auto warda.