Accidente di auto na Piedra Plat a laga un señora herida atras

Piedra Plat – Diamars mainta 10’or pasa, polis y ambulance a bay Piedra Plat altura di un tire shop pa un accidente di auto.

Na yegada polis a constata cu den un di e vehiculonan envolvi tin un señora herida cu basta dolor na pecho.
E autonan envolvi ta un Chevrolet Spark y un Chevrolet Vivant.

Na e sitio nos a compronde cu e Chevrolet Vivant lo no a pone mucho atencion momento cu ela subi caminda.
Y tawata net momento cu e Chevrolet Spark ta yegando. E Vivant ta dal den e banda di pasahero, unda un señora tawata sinta.
Den e impacto e señora ta haya golpi y esaki a pone cu e tawata keha di bastante dolor.

Personal di ambulance hunto cu e agentenan di trafico, a prepara e señora pa asina e por a wordo transporta pa hospital.