Durango, Mexico: Diamars den oranan di atardi un avion di Aeromexico cu 97 pasahero y 4 tripulante ta cay. E avion a cay den e parti nort di e estado di Durango. Esaki a sosode algun minuut despues cu ela lanta buelo for di e airport Guadalupe Victoria International Airport cu destino Mexico City. Segun e gobernador di e estado 80 persona a keda herida y no tabata tin niun morto.
Segun vocero di ministerio di salubridad entre e heridonan tin varios cu nan condicion ta critico.
E compania di aviacion a confirma cu riba Twitter, cu ta trata di un di nan avionanan, un Embraer. E avion, cu number di buelo AM2431 tabata tin como destino Mexico City. E avion a cay un 10 kilometer leu di e airport.
E causa di e accidente aereo aki, no ta conoci ainda, aparentemente e pilot na ultimo ora kier a para e vuelo, mirando cu awa tabata yobe y tabata tin mal tempo na caminda.
E avion a cay riba su barica den un veld y por a mira un fila di ambulance para ta warda turno pa transporta e heridonan, esnan cu no tabata herida a cana y a bay busca ayudo.