Home Sports Jewell ILLidge, Myron Adams, Jayzion Cornes, She- Cutie Hernandez, Rushineldy Lejuez, Nathan Fradl,...

Jewell ILLidge, Myron Adams, Jayzion Cornes, She- Cutie Hernandez, Rushineldy Lejuez, Nathan Fradl, Jourdé Klabér y Marian Lampe a sali best fighter na e campeonato nacional di Noord Taekwondo Center

 
Noord Taekwondo Center a celebra nan di 27 aña di existencia den forma di un campeonato y 7 scol di Taekwondo a participa cu nan atletanan pa asina bringa pa e copa di Best Team.
 
Nos refereenan nacional y internacional tabata tin e tarea di scoge nan miho bringado den diferente categoria.
Master Melvin Rasmijn a keda impreciona con e damita She-Cutie Hernandez di ETU Taekwondo a bringa y a scoge como su miho bringado. She- Cutie Hernandez a haci su debut aña pasa December y a sorprende tur hende. For di e dia ey She-Cutie Hernandez a demonstra cu el a bin pa haci un diferencia y esey mes e ta haciendo na tur campeonato cu e participa. 
 
Den e parti di poomsea, forma di Taekwondo den e categoria B, Amylee Melo di Noord Taekwondo Center a sali Best Poomsea. Den e categoria C, Anabella Fernandez di Impact Taekwondo a sali Best Poomsea.   
 
For di e 7 scolnan cu a participa y a bringa pa e Best Team Cup, e comision di Noord Taekwondo Center hunto cu e refereenan a scoge Brazil Taekwondo Stichting como Best Team na final di e dia.
 
Master Melvin Rasmijn spokeman di Noord Taekwondo Center a gradici tur hende presente y e team di Noord Taekwondo Center pa nan participacion. Tambe a gradici ARTBO, ASU, COA y Lotto pa Deporte pa nan sosten na e campeonato, bisando cu aki ta unda ta forma tur e mihonan di Taekwondo, door di competi contra di otro y demonstra nan abilidadnan. Manera cu sr. Di-Estefano Wernet a bisa den su speech, fairplay ta hopi importante den deporte.