Home » Parlamentario drs. Shailiny Tromp-Lee (MEP): TA FELICITA Y GRADICI E SELECCION CAMPEON DI LATINO AMERICANO 2018

Parlamentario drs. Shailiny Tromp-Lee (MEP): TA FELICITA Y GRADICI E SELECCION CAMPEON DI LATINO AMERICANO 2018

by Admin
0 comment 53 views

 

Durante rueda di prensa di MEP Parlamentario Shailiny Tromp-Lee a felicita nos team campeon! Nos Seleccion Junior di Aruba cu a sa di sali campeon di Latino Americano 2018 diasabra ultimo. Un totaal di 14 hungador a sa di lucha te final. Un tremendo wega cu a dura alrededor di 5 ora y cu na di 10 inning a bolter por completo y cu a conduci cu nos muchanan a logra conkista e titulo di campeon. 

 

Den nomber di fraccion di MEP den Parlamento Shailiny Tromp-Lee a felicita e hobennan:  Antwone, Nathon, Axel, Shawn, Marshall, Xanron, Jordanny, BJ, Eduard, Kendrey, Dyrenson, Garrett, Harbersting, Keelon cu nan tremendo logro! Boso ta campeon!!

 

Parlamentario Tromp-Lee ta indica cu sigur nan logro no tabata posibel sin guia y entrenamento duna pa nan Manager Elwin Rincones y nan coachnan Antoine Kelly, Egduard Winterdaal y Arnold Cruz. Un danki di curason na full e coaching staff, cu manera nos tur sa ta boluntarionan cu ta dedica nan ora liber y familiar na duna formacion deportivo y di disciplina na nos muchanan.

Trabou sigur cu ta di aplaudi y alogia constantemente.

 

A yama danki tambe na famianan cu ta duna e manager y coachnan e espacio pa haci e trabou boluntario importante aki.  

 

Tambe a yama danki na Pueblo henter cu a sa di acudi na e diferente weganan y cu a duna e apoyo necesario na e Team di Aruba. E ambiente den Stadion Crismo Angela-Nady Croes tabata tremendo y sigur e weganan aki a crea un union masha impresionante.

 

Por ultimo Parlamentario Tromp-Lee a desea e team completo hopi exito na Taylor Michigan. 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio