Homber cu a intoxica cu droga, a wordo transporta cu hopi urgencia pa hospital

Piedra Plat: Diaranson algo pasa di 12’or y 15, ambulance y polis  ta wordo pidi pa cu urgencia na un adres na Piedra plat pa un persona cu lo a haya overdosis.

Na yegada personal di Ambulance ta bin compronde cu enberdad un cabayero lo a intoxica su curpa cu un of otro substancia parecido na droga. E personal di ambulance na e sitio, a pidi pa presencia di polis, pero mirando e situacion cu e cabayero tabata den, nan mester a sali cu urgencia cu ne pa hospital.

Na yegada polis a wordo informa door un habitante cu e ambulance a sali cu urgencia, cu e cabayero pa hospital.