RBC ta duna apoyo na desaroyo di hubentut di Aruba ku consistensia cu partnership cu Aruba Little League pa 12 aña
Diabierna 15 di juni 2018 (Oranjestad, Aruba) – Awe tardi, RBC Royal Bank (Aruba) N.V. a formalisa un biaha mas nan partnership cu Aruba Little League Foundation. RBC, sponsor di Little League ya pa 12 aña, a firma contract pa 2018 cu Presidente District Aruba Little League Foundation durante un encuentro cu prensa na oficina prinsipal di RBC na Sasaki.
Pierre Rafini, Country Manager di RBC Aruba a bisa: “Na Aruba y den Caribe Baseball ta un hunga un rol sumamente importante den nos cultura y pa desaroyo di nos hubentud. RBC y Aruba Little League conhuntamente ta enfoca riba un meta colectivo: pa yuda desaroya habilidadnan y actitudnan critico cu ta sostene y yuda crea oportunidadnan pa un futuro exitoso pa e hobennan. Nos ta contento cu awe, un biaha mas e vishon colectivo y e colaboracion entre Little League y RBC ta wordo di confirma”.
Rafini a sigui: “Pa RBC awe nos no ta solamente formalisa y firma un contracto. Pa nos ta un expresion di nos compromiso pa cu Aruba y tambe nos hobennan. E formacion cu nos participantenan di Little League ta haña ta siña nan entre otro diciplina, coloboracion i perceverancia. E kalidadnan ey ta yuda forma cuidadanonan ehemplar y lidernan pa futuro. Den nos acercamento y apoyo di RBC pa Little League esey ta keda para central. E ta defini RBC como organisacion y ta duna bida na nos meta: yuda cliente crece y nos comunidadnan prospera”.
E contribucion di RBC pa e aña aki tambe ta envolvi sosten financiero pa e organisacion di e “2018 Latin American Championships Junior Division”. E campeonato originalmente lo mester a wordo organisa na Puerto Rico, pero dor di e impacto di e Hurricanes Irma y Maria na 2017 e weganan lo tuma luga na Aruba aworaki for di 6 te cu 15 di juli.
Rhudy Donata, Presidente di District Aruba Little League Foundation a bisa cu e ta orguyoso di e apoyo consistente di RBC como un patrocinado principal. Donata a indica cu e sosten financiero di RBC no ta solamente pa e uniform di muchanan y pa e biahamento pa competencia pero tambe ta importante pa e desaroyo di nos muchanan na Aruba. Donata a indica cu e ta spera cu e publico di Aruba ta bini wak e weganan na Aruba pa duna apoyo na nos muchanan.
Rafini a conclui e encuentro di prensa: “Nos ta contento cu e colaboración y relación di tempo largo cu Aruba Little League y nos ta desea hopi exito den e preparacion di nos muchanan pa e campeonato Latin America 2018 y campeonato di Little League.