Home Sports “ASA: Turning dreams into goals” Kymani Hazel a gana miho slogan na...

“ASA: Turning dreams into goals” Kymani Hazel a gana miho slogan na Ingles

ORANJESTAD, Aruba – 12 di Juni 2018: Dia 1 di Maart Aruba Soccer Academy (ASA) a celebra nan di 2 aniversario. Pa celebra esaki ASA a reparti algun premio y a conta cu e sosten di Aruba Bank. E banco di deporte a contribui cu e premio mayor cu tabata un buki banco di 250 florin na e ganado cu e miho slogan pa ASA na Ingles.

Un cantidad halto di persona a manda slogan y a participa den e campaña riba Facebook. E ganado a resulta Kymani Hazel di categoria U7 cu e slogan “ASA: Turning Dreams into Goals”. Otro ganadonan tabata Juanriq Martis y Raymison Statie, kende a join ASA desde comienso di Maart 2016. Martha Eman a gana e quiz di Facebook di ASA.

A funda ASA cu un solo meta, pa yuda hungadonan masculino y femenino den categorianan 5-15 aña. Ta yuda e futbolistanan cu parti tecnico y tactico di e weganan di futbol, di cual tambe nan por diberti di e deporte futbol.

E futbolistanan di ASA ta train 2 biaha pa siman na Stadion Frans Figaroa, 2 biaha pa siman na Stadion Guillermo Trinidad na Dakota y 1 biaha pa siman na Britannia, cual trainingnan ta semanal. ASA tin diferente categoria cual ta U5, U7, U9, U11, U13, U15 y categoria di mucha muhe. Aruba Bank tambe ta un di e sponsornan cu a join ASA desde principio y e fundacion ta agradecido di e sosten cu nan ta ricibi.