89
Santo Patia, San Nicolas: Diamars atardi pa mas o menos 4’or y 35, presencia di polis ta wordo pidi na Instituto Correcional Aruba (KIA), pa dos dama cu a trata na pasa droga pa detenido den KIA.
Na yegada enberdad nan ta wordo informa cu e dos damanan cu algun menor a bay KIA, pa bishita un detenido, pero cu no bon intencion, nan tabata tin pakete di droga cu nan. Na momento cu e damanan aki a bay pasa e detenido e pakete di droga, e camaranan di seguridad den KIA a capta esaki y mesora e cuidadornan di preso a actua y a pidi pa presencia di polis.
E damanan aki a keda deteni y e droga a keda confisca. Polis a transportanan pa Warda di polis na San Nicolas pa mas investigacion.