Home » Relaciona cu protesta di SV Britannia contra SV Estrella AVB a aplica conseho legal emiti dor di FIFA E fin di siman aki campeonato ta sigui cu dos wega importante!

Relaciona cu protesta di SV Britannia contra SV Estrella AVB a aplica conseho legal emiti dor di FIFA E fin di siman aki campeonato ta sigui cu dos wega importante!

by Admin
0 comment 73 views

 

 

ORANJESTAD, Aruba –  E campeonato di Division Honor 2017/2018 poco poco ta yegando su final y pa esaki Arubaanse Voetbal Bond (AVB) ta gradici e fanaticada, kendenan den e ultimo siman, weekend tras di lomba a asisti den grandi na e weganan. A inicia e play-off semi final di AVB 2017/2018, unda a tene 18 wega di e campeonato regular. Aworaki tin 4 team, esta Coca Cola Nacional, SV Dakota, SV Britannia y SV Estrella, cu a sa di yega semi final. Tabatin 2 wega candeloso y e tribuna tabata yen. Pero despues di e prome wega, unda Estrella a bay cu e victoria riba Britannia, AVB a ricibi un carta di protesta pa un hungado ‘ilegal’ durante e wega aki y pa cual a tuma un decision .

 

E aña aki pa prome biaha den historia di campeonato di AVB, e directiva a dicidi di entrega e entradanan na e clubnan concerni durante e campeonato regular. Asina aki cada fanatico cu a drenta na e parti di tribuna di e team cu ta hungando, e entrada a bay directamente p’e club. Esaki a duna e clubnan e oportunidad pa genera placa pa nan por sostene nan desaroyonan cu tin, manera nan gastonan. Esaki a sosode pa prome biaha den Arubaanse Voetbal Bond.

 

Despues di e wega di diabierna tabatin hopi interes y 4 team ta luchando p’e premio final di ta e campeon di e campeonato 2017/2018. E interes di e aña aki ta asina grandi pasobra e campeon lo participa den e torneo di CONCACAF Club Shield, pero tambe e campeon y sub campeon di e aña lo participa den Copa ABC di e islanan den Caribe Hulandes. E interes den e clubnan ta grandi y e federacion lo haci lo maximo pa tin un play-off semifinal y play-off bon hinca den otro.

 

Dialuna ultimo SV Britannia a entrega un protesta, pa motibo cu den nan concepto durante e wega a uza un hungado ilegal. E directiva di AVB a trata e protesta aki corectamente. A base di documentonan y conseho legal di partnernan internacional FIFA y CONCACAF, e organisacion local AVB a tuma e decision cu SV Britannia no ta haya rason den e protesta. AVB ta sigura e fanaticada grandi di futbol cu nan ta actua corectamente y segun e reglamentonan cu tin.

 

Despues di e decision di e directiva di AVB, segun procedura, SV Britannia tin 4 dia pa apela, esta pa bay den “beroep”. Si yega asina leu, un comision independientemente for di AVB lo atende e apelacion. E comision aki ta consisti di personanan cu bon conocemento di futbol, bon conocemento di e reglanan, tin hurista y abogadonan. Tur hende por ta trankil cu na final, e decision tuma cu tur hende por confia cu lo ta esun miho. Te cu awor no tin ningun “beroep” entrega di SV Britannia.

 

AVB ta invita fanaticonan pa diabierna awo, pa e wega entre SV Estrella y SV Dakota, mientras diasabra SV Britannia lo enfrenta Coca Cola Nacional. Ta invita fanaticonan pa yega stadion y admira e weganan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio