76
Promer Calypso King di Aruba conoci como Showman of the Seventies.
ORANJESTAD – Ayera diadomingo Minister Xiomara Ruiz-Maduro tabata tin e honor di duna un reconocemento na Señor Paul Connor mihor conoci como e “Showman of the Seventies”. Señor Connor tabata e promer Calypso King di Aruba.
Despues di a compone e cantica “Juliana” dedica na Reina Juliana, Su Mahestad e tempo ey a keda masha fascina y a invita Paul y su show pa Hulanda. For di eynan Paul Connor a habri hala bay Portugal y Africa y a graba cu seyo disquero renombra na Gran Bretania.
Señor Paul Connor ta un artista Arubano cu a representa nos isla Aruba riba e tarima internacional positivamente.
Durante e celebracion ayera na Broodfabriek na Rijswijk, Hulanda, como muestra di aprecio Minister Ruiz-Maduro a duna Señor Paul Connor un reconocimento pa su esfuerzo y trayectoria inpresionante. Debi na salud señor Paul Connor mes no por tabata presente pero su yiunan a ricibi e reconocimento, pero si señor Connor a manda mensahe cu e ta masha emociona y agradecido cu su reconocemento.