Boksmento a caba na algun mokete y un persona deteni

Avenida Milo Croes – Druivenstraat

Diasabra marduga polis a ser manda cu urgencia na e crusada di Avenida Milo Croes cu Druivenstraat na Dakota.
Akinan un boksmento a tuma luga y despues un bringamento.

Na yegada nan ta topa ambos partido, un Toyota Corolla y un Toyota Yaris.
Segun nos a compronde e Yaris lo a subi e crusada y no a duna e Corolla preferencia.
Despues di esey a presenta un discussion, caminda algun mokete a cay.

Polis a haci un test di alcohol cu e chauffeur di e Yaris, door di lage supla.
Ela supla mas di loke ta stipula pa ley y despues di lesa su derechonan polis a detene, y ela wordo hiba warda di polis.