Home Police VIDEO: Muhe cu ta aparece ariba Camara di seguridad ta horta den...

VIDEO: Muhe cu ta aparece ariba Camara di seguridad ta horta den supermarket, deteni diasabra mainta

SHARE

Shiribana – Diasabra mainta den careda di 11’or polis a bay na e cas conoci pa nan, situa pabou di Subway.
Informacion cu a drenta tabata, cu na e adres tin un persona no desea.

E cas aki ta situa pabou di Subway ” Paradera”, ta un cas conoci pa bendemento di droga y mas cosnan ilicito.
Loke a pasa ta cu e dama aki a bay cumpra droga (piedra), aki nan algo a bay robes y a start un problema.

Na yegada di polisnan, pa nan sorpresa tegenover di Subway den e mondi, nan a topa cu e muhe aki y ta resulta cu tin opsporing pa su persona.

E muhe aki lo a aparece ariba Camara di seguridad di un Supermarket, momento e tawata horta. Na e sitio ela admiti na polis cu ela horta, pero tawata pa cria su 4 yiunan cu aparentemente no tin cuminda.

Ayera autoridad hunto cu Voogdijraad a yega na e cas, unda e ta biba na Tarabana, pero no a haye na cas.
Esaki ta un di e situacionnan social lamentabel cu nos mester trece dilanti.
Caminda cu e mama pa un of otro motibo tin problemanan social y emocional ta bay horta y es mas ta recuri na uso di droga tambe.

E parti positivo ta manera ya nos a bisa, Voogdijraad ta na altura y mester actua pa protega e cuatro muchanan.
Ban spera cu tur cos bay bon cu e criaturanan y spera cu e mama hoben aki por wordo yuda mas pronto cu ta posibel.