Home Police Chauffeur agredi door di un otro chaufeur, pa motibo di a pone...

Chauffeur agredi door di un otro chaufeur, pa motibo di a pone su señal mucho tempran

SHARE

Diasabra den oranan di mainta, un patruya di polis ta wordo manda na Wema Ponton pa un caso di maltrato.

Na yegada e patruya a bin topa cu un homber kende ta splica polis cu un rato pasa ela wordo agredi pa chauffeur di un Nissan March Blauw scur.

Segun e victima e tabata den su auto y na momento cu tabata acercando Wema ela pone su señal pa e staciona y manera cu ela staciona, e chauffeur di e Nissan March cu tabata su tras a baha for di su auto, a habri e porta di e auto di e victima y a agredi’e, e chauffeur agresivo a reclame cu ela pone su señal mucho tempran, mesora e agressor a bandona e sitio.

E victima no kier a duna keho, pero polis tin tur datos y a keda di busca e chauffeur di e Nissan March aki pa hala su atencion riba su comportacion agresivo den trafico.