Home Police Taxista pirata no tabata tin bon intencion cu un di su pasaheronan...

Taxista pirata no tabata tin bon intencion cu un di su pasaheronan femenino

SHARE

Oranjestad: Diasabra den oranan di marduga, un dama cu a caba di traha y tabata tin pura pa yega su cas, a dicidi di tuma lift cu un taxi pirata.

Na momento cu nan tabata pasando e rotonde Seroe Blanco, e dama a nota cu e taxi pirata aki a tuma un otro rumbo, ela cuminsa desconfia, pero den e taxi pirata tabata tin dos otro pasahero femenino mas. Na momento cu ela ripara cu un di e pasahero aki a purba na saca su cartera for di su tas, mesora ela ranca su cartera bek for di e muher su man y manera e auto a para, ela core baha for di e auto pa buska ayudo.

Pa su suerte ela bin topa cu un conoci di dje, cu a bati alarma pe, ela conta polis tur loke a sosode, cu ta trata di un Taxi Pirata, Toyota Yaris Shinishi, maneha pa un homber Venezolano y cu den e auto tabata tin dos dama venezolano como pasahero. Polis a tuma su declaracion y e dama a keda pasa pa entrega un keho oficial di locual a sosode cu su persona.