Home International MMA fighter, Connor McGregor su bida coriendo peligro

MMA fighter, Connor McGregor su bida coriendo peligro

Dublin, Irlanda: Bida di Conor McGregor ta coriendo peliger, esaki despues di un incidente durante weekend den e bida nocturno na e capital di Irlanda, Dublin.

E informacion aki a sali for di un journalista britanico Paul Williams, kende ta specialisa den criminalidad. El a trece e informacion aki den un programa di radio awemainta.

Ela splica cu McGregor tin e Cartel Kinahan su tras. Kinahan Cartel ta un di e cartelnan di droga mas activo na Europa. Weekend pasa den un bar Mc Gregor a bati dos miembro di e cartel aki.

Segun Williams, kende ta bon conoci cu e cartel aki a bisa cu  “Conor McGregor su bida ta coriendo peligro hopi serio, paso e Kinahan-Cartel no ta ria pa nada y no ta importanan si bo ta un deportista conoci of no”.

Segun ela sigui menciona cu, ” Connor a pone hende rabia cu e no mester a pone rabia nunca, su seguridad y tambe di su bodyguardnan ta coriendo peligro. Mescos nan lo haci cu un homber canando riba caya of cu un deportista internationalmente conoci. Nan por tir’e mata, batie maltrat’e, of haci lok’e nan kier cu ne”.

Segun Williams, Seguridad Nacional Irlandes a wordo poni na altura di e seriedad di e situacion y actualmente ta preparando pa hiba un combersacion serio cu e UFC fighter.

Diahuebs mainta na momento cu Mc Gregor tabata bandonando corte na Dublin, ela wordo confronta cu e rumoresnan aki y a contesta hopi tough ” Nan bin buskami numa”. McGregor a bandona corte despues cu ela haya un boet di 400 Euro pa core auto cu velocidad halto.

E aña aki McGregor a kibra tur su recordsnan, den su peleanan cu e legendario Floyd Mayweather, maske cu ela perde, ela cash in un 100 miyon Euro.

Den e ultimo añanan como MMA Fighter, ela sa di conquista su lugar den UFC.  Connor Mc Gregor ta e prome atleta cu pa prome biaha den e bond, tabata campeon na e mesun momento di dos division di peso.