Ministernan di Exterior di Union Europeo a adresa Dialuna e situacion di Venezuela y lo ta preparando pa sancionnan selectivo pa e pais, ademas ta duna luz berde na e medidanan nobo autonomo contra North Korea y na mes un momento mustrando apoyo pa e acuerdo nuclear cu Iran.
Nan Luxemburg a reuni, e cabesnan di e diplomacia binti ocho lo scucha e alto representante di Union Europeo relaciona cu e Politica di Exterior, esta Federica Mogherini, tocante un update di e sitimuacion na Venezuela, unda Union Europeo a rechasa pa reconoce e Asamblea Constituyente di presidente Nicolás Maduro.
Na mes momento, tin un acuerdo unanime di embahadornan comunitario pa cuminsa traha ariba e “sancionnan selectivo” contra personalidadnan Venezolano cu ta wordo considera esnan responsabel pa e situacion di e pais, asina EFE a informa.
“Union Europea mester mester ekipa su mes cu instrumentonan y medionan necesario pa tin un negosacion” entre e Gobierno y e oposicion na Venezuela, Union Europeo a señala.
Awor departamentonan di Raad di Union Europeo ta trahando ariba posibel nombernan di ” personan cu tin un rol directo” den e situacion na e pais, pa ponenan ariba e lista di esnan cu lo bay wordo sanciona, e fuente no kier a bisa si ta trata di politconan of militarnan.