E atake cibernetico mas grandi den historia a caba di tuma luga. Login di Apple, Google, Facebook y tambe di gobiernonan, tur a wordo afecta. Bo mester tuma accion awor aki.
Aki tin loke bo mester sa – y kiko bo mester haci pa proteha bo mes.
Un cantidad impactante di 16 biyon di password a lek den loke expertonan di cyber security ta yamando e data breach di mas grandi den historia di internet. E breach ta inclui credencialnan di login pa plataformanan manera Apple, Facebook, Google, GitHub, y asta servisionan di gobierno.
Informacion Importante di Investigadornan di Cybernews a revela cu un lek di data ta consisti di informacion recien colecta for di multiple operacion di malware di ladronicia di informacion. Esaki ta causa alarma grandi pa e potencial di atakenan di phishing, ransomware, y account takeovers riba gran escala.
Pa proteha bo mes, expertornan ta urgi pa tuma accionnan inmediato:
* Cambia bo passwordnan, activa multi-factor authentication, y evita re-usa credencialnan (password y username) riba diferente plataforma.
* Check tools manera “Have I Been Pwned” y Google One’s Dark Web Report. Nan por yuda bo verifica si bo datonan a keda expone.
* Si bo ta sospecha cu bo aparato a keda infecta cu malware di ladronicia di informacion, instala un programa antivirus confiabel mesora y haci un scan completo di bo sistema pa elimina cualkier menasa.
Cu e menasanan cybernetico evolucionando rapidamente, mantene bo passwordnan fuerte y unico, y vigila monitorea bo accountnan mas cu nunca.