Amsterdam: Telegram messenger, ta un app di mensahe cu ta wordo hopi usa den e baho mundo, especialmente na momento di haci dealnan di droga, arma, placa falso y tur otro actividadnan ilicito.
Den diferente gruponan ta ofrece cosnan manera cocaina, pildonan di xtc, material pa cultiva marihuana etc, pa haya aceso na e gruponan aki ta solamente via invitacion of si un persona tin e link. E linknan aki mayoria ta wordo poni riba Hackersforum.
Telegram ta un app cu a wordo funda na aña 2013 pa un rusiano Pavel Durov. E app di mensahe aki ta hopi mas sigur cu Whatsapp, paso telegram no por wordo gecrack mane otronan si y aparentemente esnan cu a traha e app di Telegram, no ta coopera cu autoridad tampoco, esey ta haci Telegram hopi mas sigur pa e baho mundo por comunica cu otro y dificil of casi imposibel pa autoridad por monitornan.
E grupo di terorista I.S. tambe tabata haci uso di diferente gruponan riba Telegram.
Banda di gruponan cu ta deal den droga, arma, of otro asuntonan ilicito, tin gruponan tambe cu ta tene bista riba polis y ta controla polis tambe, e informacionnan aki nan ta share den gruponan riba Telegram.
No ta Telegram so ta sigur tin mas messenger app cu aparentemente ta mas sigur ainda, manera Threema y Sicher, pero pa tin aceso na esakinan mester paga un fee.
Telegram tur hende por baha e app aki y por use, pero pa drenta den e gruponan di baho mundo no ta facil. Te hasta autoridad ta haya dolor di cabes ora criminalnan ta comunica riba e app aki.