145
Avenida Alo Tromp – Diadomingo den oranan di marduga durante patruya, Flex team di polis a nota cu un persona lo tabata actuando basta sospechoso den Avenida Alo Tromp.
Mesora nan a dicidi di actua y haci un control riba e homber aki, e homber aki den oranan di marduga tabata haci señalnan cu e autonan cu ta pasa den e caya aki, bisando cu si nan mester di “algo”, durante cu polisnan a controle nan lo a haye cu posibel substancianan prohibi y a detene.
No ta un secreto cu esnan cu ta bende droga ariba caya sa sconde nan mercancia no mucho leu di nan, polis a buska den e area pa mas.
Transportwagen a wordo pidi y na su yegada a hiba e homber warda di polis.