Koeriboeri – Diamars atardi den careda di 4’or brandweer a bay cu urgencia Koeriboeri, caminda un cuarto tawata na candela.
For di e caminda Babijn por a wak huma preto bayendo halto.
Na yegada di brandweer mes ora nan a cuminsa combati e candela y wak si tin hende paden.
Segun un sobrino di e habitante su omo lo a caba di sali y e candela a cuminsa.
Polis tambe a yega y a cuminsa chek kiko a pasa.
Na banda famia a move un cabayero cu ta den rolstoel, mirando cu e huma tawata hopi.
Famia tawata un poco preocupa, si por tawata tin hende den e cuarto. Segun nan, constant tin hende ta yega eynan. Brandweer a controla paden y no a topa cu niun hende.
Polis a detene un homber na e sitio, mirando cu a haya varios mata di marihuana. Ela wordo transporta pa warda di polis na Santa Cruz.