Home Entertainment Interpark Coney Island lo habri diahuebs awor pa 6’or di atardi. Instancianan...

Interpark Coney Island lo habri diahuebs awor pa 6’or di atardi. Instancianan concerni a duna e green light pa habri

SHARE

Oranjestad – Dialuna merdia Gerente di Interpark Coney Island Steve Hudson a reuni cu prensa.
Hunto cune tawata tin un representante di APA.
Esaki ta prome biaha cu un Coney Island a wordo arma ariba e tereno ey.

Dialuna mainta definitivamente e Coney Island a keda cla 100%, cu e inspeccion total di henter e parke su 24 ekiponan.
Señor Hudson a bisa cu tur ekipo a wordo certifica door di e siguiente departamentonan, DTI, Brandweer y Polis.
Asina nan a haya e permiso den man pa por cuminsa draai e Coney Island. Mester remarca cu ela dura un tiki mas cu a wordo anticipa.

E tardansa no tin nada di haber cu e aparatonan cu tawata por a wak, pero mas tanto di trece e Coney Island Aruba, door cu partinan mester a yega di tres diferente luga esta Corsow, Venezuela y Colombia.
Cada biaha tawata yega pida pida, di e Coney Island y esaki a causa e tardansa.

A pasa den tres inspeccion di parti di DTI y tur cos a wordo aproba.

Diahuebs awor 6’or di atardi, lo ta e fecha oficial cu Interpark Coney Island lo habri.
Prome siman e Coney Island lo bay ta habri tur dia y despues di esey lo wak con ta sigui.

Coney Island lo habri 6’or di atardi y segun señor Hudson, lo no tin horario stipula cu nan ta cera.
Segun cu e parke tin hende nan ta keda draai, pero lo no pasa e ora di 1or di marduga. Esta te caminda cu e permiso ta permiti.

Segun nos a compronde cu e Coney Island aki ta mas grandi cu esun cu tawata tin na Corsow.
Un Coney Island asina grandi manera esaki, no a yega di bishita Aruba segun e gerente.

E Coney Island lo keda Aruba sigur pa tres luna, si e interes ta grandi lo por keda un tiki mas.

Entrada na porta lo ta 5 florin pa hende grandi y mucha. Cada un ride tin un prijs. Una bes paden bo ta cumpra un X cantidad di tickets cu bo lo por usa.
Tin rides di 1,2 y 3 ticket, cada ticket ta costa 3 florin.

Mayoria aparato di mucha ta costa 1 ticket.