Sea atento manera e ciudadano aki, cu a actua mes ora sin pensa dos biaha, pa a salba un criatura
San Nicolas – Diaranson merdia den careda di 1’or polis a wordo notifica di un caso lamentabel, relaciona cu un criatura di 4 aña.
Dilanti atm di CMB, un rato prome un persona atento a salba bida di e criatura aki.
Un persona adulto lo mester a keda cu e criatura, pa un famia bay haci respondi. E persona aki lo a bay cu e criatura atm, pero pa un of otro motibo ela laga e mucha di 4 aña su so para eynan, parse cu e lo a lubida su carchi y a bay te su cas bek.
E mucha inocente a bay pa crusa caminda, unda auto a hera dal e. Aki ta caminda un ciudadano a reacciona mes ora y pasa man pa e mucha y a bay oficina di Digicel eybanda y a notifica polis.
Patruya cu a yega mes ora a pasa man pa e mucha y bay warda.
E persona cu mester a wak pa e criatura no a gusta cu nan a bay cu e mucha, ela haya un scual formal di parti autoridad y manera a bisa e casonan aki bo no por laganan pasa sin actua a pone cu polis a avisa Voogdijraad mes ora.