AYO – Diadomingo, den careda di 4’or y mey, riba e caminda di Ayo, durante un tour di UTV’s, un di e UTVnan lo a overheat y a pega, mesora e tourguidenan y bisinjanan a cuminsa combati e candela. E personal di e compania mesora a transporta e Turistanan for di e sitio.
Na momento cu polis a yega, nan a topa cu e UTV, full kima, e personal encarga cu e UTV di e compania De Palm Tours a avisa polis cu nan mes lo percura pa kita e UTV for di caminda. Brandweer cu tambe a wordo avisa di e candela, hopi lihe a yega na e sitio y maske a haya e UTV completamente paga, a keda un rato mas ta spuit e UTV, pa ta sigur cu e candela no bolbe lanta cabes.
E candela a kima un parti di e yerba seco canto di caminda tambe.
Segun nos por a comprende esaki ta e di dos UTV cu ta pega candela di e compania aki. E prome lo tawata na entrada di Parke Arikok. Un waya cerca di e muffler posiblemente lo por a causa cu e candela a start.