Home International “Mi a wordo tira!”Un Mama a haci un mal joke dia 1...

“Mi a wordo tira!”Un Mama a haci un mal joke dia 1 April

SHARE

Wichita, Kansas, Estado Unidos:
Riba 1 di April, un senora di 58 aña kier a haci un joke di 1 di april cu su yiu muhe, sin sa cu e joke aki a hinca su mes den un problema basta serio.

E mama a yama su yiu muhe bis’e, cu e la caba di wordo tira y mesora a cera e telefon.

E yiu tur spanta mesora a bati alarma, e la yama polis y a bisanan locual su mama a bise. Polis na su turno mesora a actua, hopi lihe paramediconan di ambulance y como 15 pa 20 unidad di polis a presenta na e senjora su cas, e caminda mesora a wordo cera pa trafico.

Door cu e polisnan na e sitio no a mira niun movecion den e cas, nan a dicidi di kibra e porta y drenta paden.
Nan a ripara cu e senjora no tawata na e cas. Finalmente autoridad, despues di un buskeda a bin topa cu e senjora na su trabou. E la keda deteni pa e melding di emergencia falso.

E Chief di polis, Hunt a bisa: “Riba 1 April bo por hasi jokenan pret, pero cu limite y ora varios unidad di polis mester kibra porta y drenta cas di hende, esey sigur no ta pret mas.”