Home » Lider di MEP: TA INVITA ARUBA COMPLETO NA UN ART EXPO, PA CELEBRA SU DI 15 AÑA DEN POLITICA

Lider di MEP: TA INVITA ARUBA COMPLETO NA UN ART EXPO, PA CELEBRA SU DI 15 AÑA DEN POLITICA

by Admin
0 comment 85 views

Ban celebra hunto diabierna 31 di mei durante exposicion Recarga, Relaha y Inspira

ORANJESTAD – En conexion cu su di 15 aña den politica, sirbiendo e pueblo di Aruba, Lider di Partido Movimento Electoral di Pueblo (MEP) Evelyn Wever-Croes, ta organisa un exposicion di su arte, ‘Relaha, Recarga y Inspira’. E exposicion aki, no ta solamente pa celebra lider di MEP su 15 añanan den politica, sino tambe pa comparti cu pueblo, su pasion, talento y creatividad.

Manera ta conoci, lider di MEP, como Prome Minister di pais Aruba tin un agenda hopi ocupa, y ta uza su interes den arte como un momento pa relaha y recarga di tur su compromisonan laboral. Cu su creatividad e ta crea bunita arte, cu e speransa di por inspira tur ciudadano pa tuma tempo pa explora otro pasion, talento y interes.

E Exposicion di Arte lo tuma luga dia 31 di Mei na Cede di MEP di 7 pm – 10 pm, na unda invitadonan por disfruta di un evento di Wine and Cheese, mientras ta admira e obranan bunita crea pa lider di MEP Evelyn Wever-Croes. E evento aki tambe ta duna oportunidad na esnan presente pa cumpra e obranan aki , na un prijs rasonabel, cu e meta pa recauda fondo pa partido.

Partido MEP ta invita pueblo di Aruba pa pasa na CEDE di MEP dia 31 di Mei entrante 7 or di anochi pa asina felicita lider di partido cu su di 15 aniversario, y alabes comparti un momento agradabel, disfrutando di e obranan di arte espectacular.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio